No proxecto INDICADORES 22 foi validado o emprego de grupos funcionais do substrato rochoso como medida da diversidade e como indicador da integridade do solo mariño para a implantación de boas prácticas de raspado, na extracción de recursos marisqueiros fixos ao substrato rochoso, e de aplicación aos descritores 1 e 6 da DMEM (Parada, 2023).

Tamén foi descrito un procedemento para o cálculo da diversidade de grupos funcionais en substratos rochosos (Parada, 2023b) baseado en mostras fotográficas do bentos de substrato rochoso intermareal. O procedemento emprega o software PhotoQuad (Trygonis et al., 2012) de toma de mostras en imaxes. O emprego deste software require dunha libraría de taxóns para asignar ás entidades identificadas nas mostras fotográficas. O procedemento descrito no proxecto INDICADORES 22 inclúe unha libraría de grupos funcionais estándar. A libraría debe ser descomrpimida en C:

Ademais, dfoi desenvolvida unha ferramenta que, partindo dos resultados obtidos da análise das mostras fotográficas procesadas por PhotoQuad, calcula o índice de diversidade de Simpson (1-D) e a cobertura dos grupos funcionais identificados como indicadores da integridade do solo mariño en substratos rochosos sometidos a raspado. A ferramenta consiste nun libro excel con código visualbasic, polo que require a instalación de excel 2007 ou superior, nivel de seguridade de macros baixo e configurar no sistema o punto (.) como separador decimal e a coma (,) como separador de miles.