Actuación cofinanciada polo FEMP nun 75%. P.O. español 2014ES14MFOP001 [Prioridade 1 – OE1.e) – medida 1.5.2]. OIG: D.X. Desenvolvemento Pesqueiro
Desenvolvemento de indicadores, ferramentas numéricas e estratexias asociadas aos obxectivos biolóxicos e ecolóxicos dos plans de xestión do marisqueo.
O novo modelo de plans de xestión do marisqueo require dun corpus teórico non centrado exclusivamente no volume dos stocks. Cómpre desenvolver novas metodoloxías de avaliación da saúde dos stocks e do ecosistema e transferir os avances acadados aos técnicos das entidades que xestionan os bancos. Incorporaranse novos obxectivos biolóxicos e ecolóxicos ao estándar dos plans de xestión e desenvolveranse, validados, os indicadores correspondentes. Para validar os indicadores empregaranse tres familias de series de datos:
1.- Seguimento dos stocks dos bancos de Lombos, Bohído, Cabío, Sada, Ares, Tirán, Canido e Cabo de Mar (dándolle continuidade e incluíndo o seguimento de patoloxía nos Lombos do Ulla).
2.- Resultados dos traballos de rexeneración realizados por SEAGA (As Pías e outros de interese).
3.- Anexos FEMP, AT0 e AT2 dos plans de xestión harmonizados polo CIMA. A validación dalgúns indicadores requirirá desenvolver experimentos, ferramentas numéricas e instrumentos de toma de mostras «ad hoc».
Actividades
- Seguimento dos bancos de libre marisqueo
- Análise de resultados de accións de rexeneración de interese para o desenvolvemento de indicadores
- Estudio do comportamento trófico de Tritia neritea e Tritia reticulata
- Relación da compactación en sedimentos coa granulometría
- Desenvolvemento dun indicador ecolóxico relacionado coas aves limícolas
- Validación da diversidade de grupos funcionais como indicador ecolóxico para recursos marisqueiro obtidos por raspado en substratos duros
Obxectivos
1. Ampliar o abano de obxectivos biolóxicos e ecolóxicos estándar dos plans de xestión de marisqueo.
2. Desenvolver, validar e implantar indicadores biolóxicos sinxelos de aplicación no marisqueo.
3. Desenvolver materiais, ferramentas físicas e numéricas, e procedementos asociados aos indicadores desenrolados.
4. Pór a punto e actualizar ferramentas numéricas e informáticas básicas.
5. Difundir resultados de obxectivos, indicadores, materiais e metodoloxías incorporados ao estándar.